初二凌晨兩下震破旺角黑夜的響亮槍聲，開啟香港政治新局，不單令梁天琦走進舞台，成為勇武派明星，也令高舉本土和自決的梁頌恆和游蕙禎，成功走進議會。只是，大半年下來，面臨刑責的梁天琦，由無底線抗爭變了「有底線」；又由勇武變為他自己口中的「懦弱」。挾近六萬票入局的梁游，亦因為一場宣誓風波，由贏變出局，上訴至終審法院。香港政壇風雲變幻，果真變幻才是永恒。

自9月選舉至今，游形容每日都似身在戰場，梁頌恆則謂「再無籌碼去輸」：「每一關，都係靠贏去延續呢個故事」。他又謂無怪責一直無影的梁天琦。只是，革命到底不是請客食飯，走出虎度門，人人都得負上代價，梁謂早有破產心理準備。「訟費高昂，若個人身份考量，係咪值得？但對民選議員嚟講，有啲價值係要堅持同保護」。
「議會已係最和平嘅手段，當你連呢樣都拎走埋，撫心自問，當社會出現問題，你會選擇用咩手段回應？」梁不諱言，贏，讓他看到無限可能。「如青政喺區選冇贏過一席，可能根本唔會再參選立法會，香港人嘅習慣，係只會聽贏嘅人講嘢」。很多人問過他有無後悔宣誓「玩嘢」，他自言： 「如果我早知選舉結果可輕易被推翻，根本唔會玩呢個遊戲，因為我根本解釋唔到仆心仆命（參選）為咩？」他指就算無青政，亦會有其他傘後組織跑出，是時代，造就了他們。「今時今日，我只能選擇做一啲我可以做到嘅嘢，比如上訴，比如做箭靶，引開敵人。」
「選舉話畀本土派知，不同政治光譜，自決甚至獨立，係有人支持」。行到這一步，他亦有心理準備押上前途代價。「我算好好彩，屋企人一直好包容我」。爸爸早逝，與母弟同住的他說。
得票率：18%