鄭秀文同蔡卓妍到會展影視博覽為 2018英皇電影巡禮宣傳，佢哋兩個將會合演懸疑片《聖荷西謀殺案》，電影改編自舞台劇，會到去加拿大進行拍攝。已被視為壓軸電影由陳木勝執導，甄子丹主演《火拼》， 陳木勝表示電影會深入罪惡感世界南拍攝。林超賢趕及出席活動，佢透露最想同張家輝合作。

Sammi話睇到劇本覺得終於有春天，因為同過往角色不同， 係好陰沉複雜嘅角色。阿Sa話有一場戲見到Sammi演繹直頭覺得佢上咗身，毛管戙。 問到sammi有冇關心黎明有喜消息？佢話：「唔敢問呀，等佢自己證實先啦。」 隨後就同大家講你哋問下阿Sa，言下之意似爆有喜事， 阿Sa即刻話做咩爆我啲嘢，不過冇喜訊，又話自己好忙，要搞掂阿嬌先。另一好姊妹容祖兒亦傳分手？阿Sa話：「佢咁大個人自己搞得掂 。」有冇好男仔介紹畀好姐妹先？ 阿Sa隨即問身邊Sammi，點知Sammi好搞笑話：「有我都要咗啦， 我心如止水，上咗岸喇，唔敢多望其他男仔。」

精選娛聞，喺晒《娛果》
http://fb.com/appledailyent