【反對警暴？】商台DJ梁文禮叫「偽人」歌手別亂post黑圖：勁反感
蘋果日報 2020/06/03 14:23
梁文禮白人警員弗洛伊德
美國非裔男子弗洛伊德（George Floyd）上周一遭白人警員跪頸致死，引起民眾關注黑人在美國被歧視的問題，觸發全國多處示威，紐約、三藩巿、芝加哥和達拉斯等大城巿宣佈無限期延長宵禁。近日在社交平台上，有不少藝人與及知名人士打tag「blacklivesmatter」外，更貼上黑色照片作表態。
商台DJ梁文禮昨日在社交平台亦有為此事出post，他說：「各位歌手artist們，希望你哋唔好做『偽人』，如果過去一年冇發表過關於香港警暴嘅嘢，亦希望你哋唔好人做自己又做走去post黑圖又# blackxxxx，好反感。黑人被白人警察壓死嘅源頭係『警察濫用暴力』如果你岀黑圖支持呢件事，即係你都支持要制裁香港警察，歡迎加入！」其後王宗堯亦有share post並說：「要豬就豬一世。唔好豬啲唔豬啲。我比較直接，唔係有道德高地，唔怕得罪RMB先出嚟攞光環。」
前大台主播伍家謙有加入讉責行列，他貼了一張寫有「我想嘔呀」的電影劇照並說：「自己屋企火燭，聲都唔聲下；對面海有間大廈着火，第一時間聲援！(又咁講，所謂聲援都係po張相啫，個成本好低)大愛係好事，不過愛到唯獨係唔識關心吓自己間屋，個邏輯好怪囉。」
鄧穎芝亦有在梁文禮的post留言：「唔係淨係artist，其他人都一樣。」有不少網民表示認同，覺得梁文禮講出許多市民的心聲，「呢啲咪偽善囉，可唔可以開名呀，冇咩follow嗰班偽人，BTW講兩句呀喂，MC Jin你首新歌《RMB係我係我》錄成點」、「仲有有啲嘢好怪㗎，人哋屋企好心，見到你那個唔係親生嘅仔受到虐待，好好心咁，話請佢過嚟食餐飯住兩晚姐，竟然好似癲咗咁，話人干預佢嘅家」。
另一方面，杜汶澤亦在FB留言，他說：「精打細算的香港藝人們，機會來了！趕緊上網譴責美國警暴，為黑人發聲，既可盡顯你們的愛心爆棚，又不涉及政治，實在 太～棒～了～行動要快噢！」方皓玟亦說：「我很喜歡你的虛偽埋藏皮膚底入面是隻鬼。」結果當然有不少人留言支持：「真係心聲，見到啲香港人扮晒嘢，同情人哋，有冇為自己本土嘅事出過聲？」
梁文禮出post叫藝人不要做「偽人」。（FB截圖）
鄧穎芝亦有留言。（IG截圖）
王宗堯亦有轉發留言。（FB截圖）
網民留言支持梁文禮的說法。（FB截圖）
伍家謙覺得大愛是好事，不過愛到連自己屋企都不關心，感覺奇怪。（IG截圖）