韓國電影雜誌《Cine21》早前訪問咗208名電影界別人士，要佢哋評選喺韓國電影中最令人留下深刻印象嘅女性角色，當中能夠力壓一陣女角贏冠軍，就由兩位喺韓國演藝圈中舉足輕重嘅女星李英愛和金惠子，呢兩位雙冠軍就分別憑《親切的金子》中李英愛飾演嘅金子同埋喺《骨肉同謀》金惠子飾演嘅母親一角奪得，二人角色令人印象深刻。

第三位就係憑《密陽》飾演李申愛一角而勇奪康城影后嘅全度妍，全度妍飾演喪夫後再次遭遇兒子被殺客嘅傷痛，但佢靠信仰學會寬恕後，最終因受不住殺子兇手竟然也獲得上帝原諒而深受打擊。

至於第四位至第20位就分別如下：
第四位係1960年《下女》嘅李銀心飾演下女一角、第五位《胡蘿蔔小姐》中孔孝真飾演嘅楊美淑、第六位《詩》中尹靜姬飾演嘅美子、第七位《下女誘罪》中金敏喜飾演嘅秀子、第八位《德惠翁主》中孫藝珍飾演嘅德惠、第九位《唐人街》中金惠秀飾演嘅媽媽、第十位包括《火女》中尹汝貞飾演嘅明子以及《貓咪少女》中裴斗娜、李瑤媛和玉智英三人嘅角色，還有《我的野蠻女友》中全智賢嘅角色都齊齊上榜。

第13位同樣由全智賢喺《復國者聯盟》嘅安玉允一角、第14位《復仇》中裴斗娜嘅角色、第15位《火車》中金敏喜飾演嘅善英、第16位係1936年《美夢》中文藝峰飾演嘅愛順、《吉牛蓬》中金芝美飾演嘅花英、《風流家族》中文素利飾演嘅好貞以及《快樂到死》中全度妍飾演嘅寶羅、第20位係《地獄花》中崔銀姬飾演嘅索妮亞、《歸路》中文貞淑飾演嘅智妍、《老千》中金惠秀飾演嘅智妍、《金福南殺人事件始末》中徐英姬嘅金福南。

緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB

「蘋果VR」App

App store下載： https://goo.gl/0kW2cK

Google Play下載： https://goo.gl/4K7EHw