當年今日
關於我們

【返屋企湊孫】許冠傑完騷覺得唔夠喉 網民課金全數畀通利前員工

蘋果日報 2020/04/12 20:00

許冠傑蕭潮順

現年71歲歌神許冠傑(Sam)今日下午舉行了一小時《2020許冠傑同舟共濟Online Concert》,為受武漢肺炎疫情影響被遣散的前通利琴行工程部21名員工、香港人及全球歌迷打氣。
儘管開騷前,阿Sam慘遭特首林鄭月娥「死亡之吻」,林鄭於facebook抽阿Sam水,叫人留家睇騷抗疫,結果幫倒忙,一度令網民要罷看,但未有影響阿Sam演出心情,演唱會順利完成,大會宣佈網上平台的總觀看人數約為2,550,000人次。
完騷後,《蘋果》致電演唱會製作總監蕭潮順,問到阿Sam完騷後心情,蕭潮順說:「我問大佬Sam滿唔滿意,佢笑住話:『乜咁快唱完?唔係好夠喉喎!』咁我問佢有冇嘢同大家講?佢笑笑口留低四個字『笑罵由人』,阿Sam做到自己想做嘅嘢已經好開心好滿足,跟住佢話要趕返屋企湊孫。」
阿Sam私人捐出25萬給被遣散的21名前通利員工,今次演唱會並非籌款性質,但就有網民在YouTube課金,對此蕭潮順表示:「我哋一毫字都冇收過,阿Sam係義務唱,製作費係我哋出,我見到網民課金,我哋全部會交畀義務核數嘅華信會計師事務所處理,由佢哋平均交畀通利工程部人員,亦都有有心人捐咗5萬蚊,連同阿Sam嗰25萬即夾埋30萬,全數由華信會計師樓代收,一分一毫都唔經我哋手。」
-----------------------------
App內1-Click訂閱《蘋果動新聞》
按此了解更多