一名不願透露姓名的「四眼叔叔」表示，他自己都是奧運站業主，因為有買樓經驗，今日陪朋友來買，幫下眼睇買賣合約。

他指，上星期發售，他朋友都有入票認購，但太後籌，籌號逾500，所以買不到，今次就很好彩，抽了10號籌，成功以逾800萬元於朗澄灣買了一個單位。

他朋友計劃買來自住，認為這區交通方便又有海景，近地鐵位置好，雖然維港灣及柏景灣都有海景，而且仲近地鐵，但始終是二手樓。他又認為買浪澄灣的好處是一手樓可以望到海景，但缺點是12年樓，但睇過現樓都可以，保持新樓狀態，未簽買賣合約前已上現樓睇過。

四眼叔叔今日仲有其他朋友有買，但30幾號籌，位置差啲，「嗰果經紀都自己買」。他認為樓價會跌，未來新盤供應多，當中恒地（012）大角嘴未來5至10年好多樓賣，二手樓除非地點好才有得賣。

記者讚他熟悉樓市，他稱「我鍾意投資啫」。記者問他手持多不多樓，他不肯透露，只是咁講，「belowten(10伙內)啦」，(即超過5間?)，「梗係啦」。

掌握第一手地產資訊，即Like「蘋果ATM」fb專頁啦！
http://fb.com/appledailyatm