每年七一，「大姐明」林建明都會跟普羅大眾一樣上街遊行，明天也不例外。大姐明今日接受《蘋果》時說：「我年年七一都行，之前兩次爭取撤回（《逃犯條例》）我都有去，今年繼續行，係再加埋政府冇回應大家嘅訴求，最重要有個調查，唔係去查差人，係了解成件事。」

一名參與最近反送中遊行及集會的大學女生，昨午在粉嶺嘉福邨墮樓身亡，大姐明表示今日看到報道很難過，她說：「好難過，唔值得為一個咁嘅政府犧牲，許志安話自己係一個壞咗嘅人，呢個政府係一個病咗嘅社會，為一個病人去死唔值得。我懷疑林鄭（特首）應該係有情緒病，所以唔敢去面對人，有病先至係咁，個人亂晒籠，佢要睇醫生輔導佢，我自己當年都有情緒病，都係唔想見人，都係個人好硬頸，唔肯聽人講、唔知點去處理，同佢而家情況一樣；早幾日我同朋友食飯講起，我覺得林鄭同自己當年好相似，如果唔係，佢唔會咁反常。」

-----------------------------
7月4日起 《蘋果動新聞》只限升級壹會員閱覽
繼續撐蘋果！