張燊悅（Nicola）近兩年迷上了打乒乓球，日前Nicola前往位於灣仔的「新港星乒乓球中心」，與香港乒乓球代表隊前成員陳淑媛切磋球藝，雖然今次只屬友誼賽，但Nicola亦不敢怠慢，還專誠攜帶兩塊Butterfly（蝴蝶）出品的直板及橫板球拍上陣。
強攻對手
慣用左手的Nicola，表現得非常認真，在個多小時的乒乓球友誼賽中，不斷左跳右跳，又強攻對手，雖然Nicola比起現時任教練的陳淑媛技遜幾班，不過陳淑媛在賽後亦給Nicola七十分，又讚她屬進攻型球手，為可造之材。
陳淑媛說：「我一見佢帶Butterfly嘅球拍上嚟，已經知佢唔係隨便玩玩吓，佢嘅領悟力好高，學得好快，佢好肯跳，但打波嘅姿勢唔正確，擊球時間慢咗少少，佢用左手打波會好着數，因為啲對手會唔適應。」
無師自通
為打波而弄得香汗淋漓的Nicola，聽罷陳淑媛的評價後，不禁歡天喜地的說：「好多謝佢呀，其實我自己從來冇跟過教練學打波，亂打㗎咋！」
Nicola續道：「我鍾意打乒乓波嘅原因，係呢項運動夠輕盈，同埋乒乓波練得好嘅話，我諗係唯一一樣男女對賽，但女仔唔會太輸蝕嘅運動，我希望第日都可以跟教練學吓打波。」
採訪：朱芷瑩
攝影：林德雄