城大新校長郭位初嚟甫到，校方噚日舉行城市文化沙龍，安排新校長做主講嘉賓，講題係「古往今來可靠度」。郭教授指可靠度係一種評估方式，隨着時代進步，可靠度同維修度對人類影響越來越大，包括城市建築、人類生病治癒率、存活率、汽車品質保證期、航空或核能維修度、金融方面的保值率等，都同呢方面學問有關。
八方對呢個題目唔敢扮專家，就算聽完都係一知半解，唔知幾十位嘉賓點睇？不過呢啲係社交場合，聽大學問係其次，主要係畀新校長認識各界人士，方便日後籌款方面嘅工作。城市文化沙龍創辦於98年，至今已有10年歷史，係前校長張信剛發起，郭位算係蕭規曹隨。