當年今日
關於我們

【紅軍文員】消假復操想冧高路普 艾格斯仲有機會?

蘋果日報 2017/06/27 20:55

英超利物浦高路普丹尼艾格斯玻璃人英國足球

玻璃人復操喇!講嘅係利物浦前鋒丹尼艾格斯。呢位2015年夏天由般尼加盟嘅前鋒,連續兩季都斷斷續續因傷喺晏菲路做文員,上季更加連一場聯賽都未踢過,但佢最近終於返回米活特訓練場復操,可望替紅軍踢季前熱身賽。
事實上,艾格斯上月尾已經開始緩步跑,而且為咗可以盡快適應到高路普嘅戰術,取消大部分休假,只係放咗一星期就回到訓練場操練。不過,記得上季佢就算有段時間擺脫傷患,都只可以幫利記U23踢波,今季進攻線整多個穆罕默德沙拿同蘇蘭基,英媒就話高路普想佢操番起少少狀態,然後趁早賣走或借走佢。