上個禮拜韋衡有個做「芬」嘅朋友，跟埋班「芬佬」飛番國內，睇中建數碼（1169）母公司海爾喺青島嘅工業園，雖然海爾係國內家電名牌，但朋友本來只係一心想同班行家打個招呼同傾吓偈，諗住國內睇廠都係睇啲生產線點有規模，同埋聽吓班管理層點巴閉法，全無新意，不過去到嗰陣時，發覺完全唔係想像中咁簡單。
佢哋帶住成班「芬佬」去睇手機生產線之餘，重去埋佢哋嘅物流中心，睇完海爾嘅物流中心，班「芬佬」都有一個共識，就係「正」字，話邊個攞到呢套系統，肯定大有前途，皆因成個物流中心完全係電腦化同自動化，海爾重繼續揼錢落去發展其他配套。