當年今日
關於我們

【做個有公德心嘅fans啦】 追完都敏俊機場一地垃圾!

蘋果日報 2014/04/24 06:00

香港機場都敏俊

成日都話機會喺留畀有準備嘅人,今日香港嘅金秀賢fans難得有機會同「外星人」都敏俊近距離接觸同見面,梗係做足準備,摺凳、相機、手機、飲品、報紙當然唔少得,都敏俊未現身機場離港之前,粉絲們都擔定凳仔、霸定頭位等睇偶像。

外星人甫出現,個個一窩蜂睇偶像、舉機影相,又出盡力過後,遺留落嚟嘅,當然唔係一份心意,而係一大堆垃圾。香港人喺快餐店食完嘢唔執番自己啲手尾係正常文化,內地小朋友喺街大小便係正常文化,fans一窩蜂睇完偶像一地垃圾都係正常文化。好在香港國際機場管理完善,辛苦晒一輪維持秩序嘅廿多名機場保安,身兼清潔大使,幫我哋熱情嘅粉絲們清理現場,維持香港禮貌之都、清潔之都嘅美譽,值得嘉獎。