韓國男團EXO噚日推出新碟《EX’ACT》，前晚成員就舉行Showcase造勢，當中以換咗新髮色嘅燦烈最搶鏡。搶鏡，並唔係因為佢個新造型，而係因為佢頭頂啲頭髮有啲稀疏，粉絲都好擔心oppa有地中海危機。

前日燦烈出席宣傳活動，當佢一鞠躬，粉絲就發現oppa頭頂似乎有啲稀疏，似係甩頭髮，有隨時惡化成地中海嘅可能。話說燦烈現時先23歲，咁快就甩頭髮，粉絲當然心痛，即時留言指摘係事務所成日要燦烈染髮所致，又話可能係EXO行程太多、壓力太大，要求公司畀燦烈休息同停止染髮。