獲黃偉文寫咗首新歌《專業失戀30年》兼封為專業失戀達人稱號後，CAllStar忙住為新歌宣傳外，又開始構思為失戀者提供服務，佢哋今日去到RoadShow宣傳新歌時，就透露已經決定每人諗一個服務提供，然後再喺網上挑選最觸動心靈嘅失戀故事，再向該失戀者提供服務，成員梁釗峰諗到同失戀者做陰瑜伽，將負能量釋放出來，陳健安（On仔）會提供一個洗頭兼頭皮按摩服務，另外吳崇銘（King）就會結合電子音樂喺鵝頸橋底打小人，同失戀者一齊作另類打小人活動，至於成員何建曦（Jase）話：「我會成為佢三小時男朋友，陪佢食餐飯，令佢有番被愛感覺。」當問到是否男女失戀者都會挑選，身邊班兄弟即指佢係大愛的。