皇家馬德里會長佩雷斯（右）呢個夏天成日高調話會留住球隊嘅要員，繼之前話會留住有離心嘅基斯坦奴朗拿度之後，佩雷斯日前接受西班牙電台esRadio嘅訪問時又話，皇家教頭施丹（左）可以「終身留隊」。佩雷斯話：「施丹喺球隊嘅位置絕對安全，等佢度假返嚟後，我哋就會立即同佢續約。雖然成日有傳如果施丹贏唔到呢個盃或嗰個盃就要離隊，但其實就算佢真係贏唔到，我們都會留住佢。」施丹目前正同家人喺伊維薩島度假，佢同皇馬嘅合約到下季季尾就會屆滿。