千億新抱徐子淇前晚一身黑色高衩閃片裙，出席皮具品牌MCM中環旗艦店周年晚宴。

育有兩女一子的子淇表示，五歲大女晞彤性格男仔頭，「大女比較tomboy，英雄啲，細女見到都學家姐，之前大女生日，佢話想要警察、Spiderman同Batman公仔，買裙畀佢又話鍾意，想買比堅尼佢着，佢就要潛水衣，之前穿咗有囡囡名嘅手鏈畀佢哋，都唔鍾意。」

可會擔心女兒變成tomboy？她說：「我寧願佢咁，都唔想佢性感，家啲女仔12、13歲着啲裙好短，太性感。」

子淇表示因女兒喜歡警察和消防員，而帶她參觀消防局，她說：「小朋友太細性格未定。」子淇反而擔心幼子俊熹，她說：「如果囝囝鍾意女仔嘢就擔心，我通常畀車仔佢玩。」