中央救市未令大陸散戶鬆綁,所以唔少聲音希望中央再出招,不過,亦有人認為人為調控唔健康。《21世紀經濟報道》專訪咗中國證監會國際顧問委員會委員戴立寧講吓呢個話題。戴立寧曾主持台灣證券業監管機構旗下證券管理委員會,通曉兩岸金融界嘅優劣,喺專訪裏面,不乏揶揄台灣市場嘅言論。
對於大陸股市升跌,戴立寧認為係供求問題,所以佢贊成降低上市門檻,增加股市嘅供應。對於有人質疑,連啲唔賺錢嘅公司都畀佢上市,害死散戶,戴立寧嘅睇法係:「證券市場投資者買的是未來,但我們得到的資訊其實是過去的。過去盈利不錯的企業可能處在『夕陽無限好』階段,現在虧損的企業可能是未來的明星。」