連詩雅、龍小菌、陳栢宇、蔡穎恩、Anjaylia(陳嘉寶)等，今日到愉景新景出席《FaceURM2013大專競技賽》，大夥兒即場喺台上玩遊戲。只見身形纖薄嘅連詩雅跳來跳去仍毫不跌蕩，有啲角度睇上去更好似成一直線咁，慘慘囉。

連詩雅受訪時都話，要多做運動練一身肌肉，佢話：「個個都話我瘦，其實有啲肥肉喺大腿、patpat地方，想將肥肉變肌肉。」8月連詩雅將開拍新戲兼返內地舉行音樂會，希望盡量賺多點錢，趁樓價跌時買樓。

問到若果有部戲，俾一千萬酬勞，但要佢露兩點，可會接拍？連詩雅話：「睇劇本，但呢刻好難突破露兩點呢關。」