練馬師沈集成這晚（7日）在谷中第三場由羅理雅勝出「開心日子」後未夠喉，於最尾第八場三班一哩再下一城，旗下「威信」夥拍見習騎師巫顯東，連續第三仗攻下同班同程，今場單Win及組合獨贏A1分別派34及18元。

「威信」由年近100歲的資深馬主兼港龍航空創辦人曹光彪持有，當事人雖行動不便，但「威信」這三次贏馬，他均有到場為愛駒打氣兼拉頭馬，尤其這次「威信」編於尾場，開跑時已接近晚上11時，曹光彪不惜捱眼瞓撐到尾，真的精神可嘉，而賽後影頭馬相時，他眼仔碌碌，看來態況不錯。

四歲澳洲自購馬「威信」對上兩場都由已離港的法國騎師巴度操刀，每次至少贏第二名1.25馬位，今場換上巫顯東有五磅減，負磅實際只比上仗多三磅。

「威信」今次沿途居中後位置，直路一如過往般，使出凌厲後勁，結果人馬首度合作下，贏2.75馬位之多，就此完成谷中三班一哩三連勝，74分馬預計加分後下次有機會挑戰二班賽。

尾場跑出熱頭冷腳，第二名由半冷「靚紫荊」後上拎到，搭頭馬「威信」開出15倍新勝馬Ｑ；三、四名由全場次冷的12檔「逍遙自在」及最冷的11檔「開心駿馬」依次瓜分，四重彩派266,159元。