亞視有工返冇糧出，有倒閉風險，無疑係電視界哀歌，始終本地免費電視長年一台獨大，絕對唔係健康現象。這晚猴年首次跑夜馬，跑馬地馬場嚟咗一批陪伴香港成長的資深電視藝員，包括「梅超風」黃文慧、「周伯通」秦煌、譚炳文、李成昌、張兆輝等，還有前監製李添勝及譚玉瑛姐姐，一齊同導演杜琪峯食飯。佢哋對本地電視工業有着不可抹煞的貢獻，現場馬迷見到佢哋自然感到份外親切，連帶唔少馬主或馬圈人士都同佢哋SayHi甚至合照留念。