呂慧儀今日喺西寶城出席母親節活動，母親節前夕呂慧儀一家三口已食飯慶祝，今日早上則同自己媽咪飲茶；返到屋企之後就收到兩歲半囝囝黃柏翹（蟹籽）送上嘅花，而且囝囝不斷唱歌佢聽，真係勁冧。呂慧儀笑哂口話：「成首歌都係唱『媽媽』兩個字有啲悶，期望第日佢畀啲嘢我睇下，o依家阿仔學緊游水，第日唔使跳水，跳火圈啦。」

講到老公黃文迪今日有冇表示？呂慧儀話：「冇喎，今晚返去要同老公反映，起碼要心形牛扒先得。」呂慧儀都有問阿仔點解得花冇禮物收，點知阿仔不斷話「俾咗啦俾咗啦」，都唔知邊個教佢 ，未來仲有幾十年點算呀 。

幾時為蟹籽追番個兄弟姊妹？呂慧儀暫時未有打算，更指囝囝係獅子座，性格霸道；佢羨慕張穎康經常喺外地工作都有時間成功造人。而活動上呂慧儀有整甜品，佢話平時老公因為要keep fit唔多食甜品，但幸好有小情人蟹籽一齊食。

攝影：卓寶花