沙田新城巿廣場對開發生的瘋狂駕駛事件，《蘋果》在現場找到無辜捱撞的七人車司機林先生講述事件經過，他坦言仍然驚魂都未定：「佢真係好似拍戲咁，係咁衝衝衝，嘩，夾硬嚟！」當時該部瘋狂Benz從後駛至，企圖撞開前方車輛「攝車罅」突圍逃走，但最後不成功，而林先生的七人車右邊車身被撞毀。

事發時，林先生載着妻子外出，沿獅子山隧道公路往沙田方向行駛，其間突見一部黑色Benz高速駛至，尾隨一部警車正響號狂追，剎那間，兩車絕塵而去。他繼續駕車駛至正街，不料再遇上該部瘋狂Benz，他表示：「明明見佢喺西田兜咗個圈，明明轉咗彎，點知追到嚟呢度！」由於該Benz突圍失敗，甫停車即被警員上前堵截。

林先生形容，警員馬上喝令前方的客貨車司機不要開車，Benz被困死後，「一截停咗呢度，已經10幾架(警車)飛埋嚟！」不久約20名警員趕抵增援，將Benz重重包圍，其間車上一男一女想逃跑，他見警察立即拿出警棍，終將司機拖出車外，按在地上。他表示：「當時好驚，嚟唔切反應！」妻子雖無受傷，但著她先離開，「俾佢嚇親，我老婆都俾佢嚇死，撞到最花係我嗰架(車)啦！」他估計其二手七人車右邊車身擦花，維修費約需4000元，由於肇事車輛為一部失車，擔心未必得到保險賠償。

你敢爆，我敢獎！ 即Call《蘋果》24小時爆相爆片熱線 ：63836568