最近傳出林欣彤（Mag）遭初戀男友Ben家暴，成個掟埋牆，整到右眼瘀晒，但Mag亦被指背男友Ben多次偷食，主角突然殺出原來係組合「天堂鳥」隊長Gordon(葉灝基)，兩人都係住沙田，近水流台撻著半年。

噚日Gordon回應本報，被問到同Mag嘅戀情就口窒窒，話同佢已經冇關係，又承認兩個人識咗一段時間，今日睇返Gordon個instagram，原來已經透露玄機，上年7月，佢突然po咗同Mag嘅合照，自爆同Mag原來09年已經相識，當時Gordon係dancer，仲話當年好濃妝。之不過去到11月兩個人齊齊出活動，大合照企到離行離列扮唔識，似乎有啲無私顯見私喎。