蕭亞軒同柯震東早年發展姊弟戀，二人年齡相差成12年，承受好大壓力，一直不被外界睇好，「亞東戀」僅維持2年幾(新聞連結： http://bit.ly/2q5fPqD )，由柯震東先宣佈分訊，而蕭亞軒就話自己同柯震東分手原因，係因為價值觀有好大落差，柯震東希望蕭亞軒係小女人，蕭亞軒努力試過「不要在他面前有藝人的樣子」，不過始終對一啲事又有自己嘅睇法。未知係唔係二人經歷多咗，睇法唔同咗。今日有報道指二人疑似復合!

二人噚晚「不約而同」喺Instagram貼出自拍相，留言均以「Long time no see」開頭，柯震東寫道"Long time no see!好久不見"，而蕭亞軒就喺留言加多咗一句 "Long time no see ELVA!! It's good to see you again"，呢一句「很高興能再次看到你」，呢個「你」字被網民質疑係指柯震東。

話晒今個月初，蕭亞軒先同細自己13歲嘅高球選手陳樺(Michael)因性格不合分手(新聞連結： http://bit.ly/2pVccXR )，估唔到蕭亞軒已火速走出分手嘅痛苦。蕭亞軒早年同柯震東分手後，柯震東曾喺facebook以「柯衝動」罵蕭亞軒，又喺Instagram取消對蕭亞軒嘅追蹤，二人再見不是朋友，直到柯震東涉毒被捕，蕭亞軒公開為柯震東加油打氣，關心柯震東，柯震東返台灣後，亦重新追蹤蕭亞軒嘅Instagram，二人關係回溫，不過後嚟蕭亞軒身邊男伴車輪轉，有吳建豪舅仔Elroy、高球選手Michael等，唔通係蕭亞軒情路兜兜轉轉，還是覺得柯震東最好!?