當年今日

  公斤條振金市雄風 - 李八方

蘋果日報 2002/04/25 00:00


金銀業貿易場理事長馮志堅噚日誠邀八方同埋一班行家去金場,因為佢聯同五家認可黃金煉鑄商之中的四家代表,向大家展示新推出的「公斤條」黃金。呢款公斤條金係金場的新產品,外觀同以往常見的九九金分別不大,最主要係成色係百分之九十九點九九,即純度較高,而重量則達一公斤。
不過,公斤條金正式展開交易已有五天,但成交稀少。馮志堅同八方講,主要係因為金價近期相對平穩,加上公眾對新產品不熟悉有關,金場稍後將對黃金交易作出整體檢討,睇睇有冇方法令交投增加,重振香港金市雄風。
﹙圖﹚金銀業貿易場理事長馮志堅展示新的公斤條金式樣。


E-mail:[email protected]