【更新：新增短片】
一眾高官今日乘座開篷巴士到港九新界3區宣傳政改，個期間並無與市民接觸。學民思潮召集人黃之鋒下午現身樂富後，其後更趕到宣傳最後一站。在巴士行經期間，黃之鋒欲上前請願，突然被一名便衣警員在場攬跌，場面一度混亂。

黃之鋒下午先到樂富，其後到大埔接受傳媒訪問，他表示對在場的長者感到不值：「烈日當空下班公公婆婆等咗3個鐘頭，民建聯、佢哋主辦單位水都唔畀一支佢哋，就要佢哋被逼喺度坐3個鐘去做後面嘅佈景板。」他批評高官連面對支持和反對政改的市民都拒絕接觸。

訪問期間他見到開篷巴士駛至，欲上前向高官請願，但突然被一名便衣警員從後攬跌倒地，場面一度混亂。黃之鋒倒地後表示，他當時只想走到馬路旁向林鄭月娥叫口號，但最終被警員攬跌，批評警方使用暴力。