將軍澳報販柳先生亦向本報透露，昨傍晚有多名市民向他表示，區內便利店實施限購管制，故前來掃貨，「唔係買兩包、三包，係問你有幾多條煙存貨，佢哋一次過要晒」。他坦言不敢多賣香煙給顧客，「煙仔佬（代理商）唔畀貨，有乜辦法？」
在油麻地經營報攤的香港報販協會副主席鄧入明直言，代理商一個月前已逐步減少香煙供應量，近日來貨更創下「歷史新低」，「好似萬寶路、卡碧咁，以前每水（每隔三日）可以攞50條，家只肯畀10條」。他指平常10條煙一日經已賣光，批評煙草商刻意囤積居奇，「等到加稅後先推貨出嚟賣，就係想賺多啲」。
記者日前亦向觀塘區內的便利店查詢，店員指個別牌子的香煙，如萬寶路、健牌等，已沒有一整條香煙售賣，「因為煙稅就加，家來貨好少，好多客人想買一條都冇得賣」。
有煙商私下表示，今次大加煙稅傳聞挑動煙民神經，不少人趕在加稅前大手入貨，不排除有個別商販囤積香煙；有個別煙商會採取謹慎對策，如按零售商過去入貨量，增加半成至一成貨量，有限度增加供應量。
該煙商又指，所有牌子的香煙都由外地用船運來港，船期和船程都有限制，不能要加即加。