【疫情嚴峻】薛家燕取消70歲生日會 笑稱人情可以網上轉賬
蘋果日報 2020/03/11 12:26
薛家燕取消生日會
家燕姐表示決定取消生日會。
今個月30日是薛家燕的70歲生日，往年生日她都會大排筵席，不過昨日她在將軍澳出席活動，表示決定取消生日會：「本來喺29號已經訂咗幾十圍同fans、學生，再加埋啲朋友一齊慶祝，但係而家疫情好嚴峻，一來唔可以太多人聚集，二來戴住口罩又好似冇乜意思，所以就算好可惜，不過都決定取消。」家燕姐今年可能要兩個女從美國返來慶祝，她更笑言到時會在網上直播生日會，人情可以在網上轉賬。家燕姐亦表示今年可以有時間處理生日禮物：「我習慣擺埋一齊慢慢拆，試過有人送支票畀我，但係幾年後先發現，不過都過咗兑現嘅時間。」
同場的黃百鳴亦表示受到疫情影響，戲院的生意大受影響，他表示與去年2月相比，生意少了超過6成，本來他曾經想過關閉戲院，但原來政府不下令，而他自己關閉的話，會被商場狀告，結果只好打消念頭。他預期只有疫情結束，戲院的生意才會好轉，所以希望政府在這時間能夠幫助電影界。