之前一直有傳《爸爸去哪兒》第5輯，因為大陸廣電局唔想再過度消費明星仔女而禁播(相關新聞﹕ http://bit.ly/2wv1NTL )。不過，湖南衛視TV最後都有播出街，唔知係咪吹水喇？！

今輯嘅焦點，似乎落咗喺吳尊同一對仔女，仲有陳小春同4歲嘅囝囝Jasper，佢哋好似兩種極端爸爸嘅代表，吳尊耐性爆燈，而小春就同「山雞」角色一樣咁火爆。網上近日有一條約一分鐘宣傳短片，見小春同囝囝去完海邊搵食材趕返屋企煮飯，當所有爸爸上晒岸之後，小春囝囝Jasper就繼續拎住個大聲公玩，小春用好嚴厲嘅眼神望住囝囝，然後由小斜坡好用力咁拉番佢落嚟。

之後Jasper就一步一步咁跟住爸爸，但因為人仔細細，又拎住個大聲公，行得比小春慢好多。小春突然好大聲咁喝咗一聲﹕「喂！Hurry up.(快啲)」嚇到個心離一離，連後面出嚟湊熱鬧嘅阿姐都掉頭走咗。Jasper個樣雖然有啲驚，答完一句「I know」後，仍好淡定咁問爸爸﹕「What's wrong with you？Can you stop angry now？」小春聽到Jasper咁問自己，終於都意識到自己態度一直都唔係幾好，即時向Jasper講對唔住。

之後小春就用唔鹹唔淡嘅國語話﹕「從沒有想過我們有這樣的對打(話)，哈哈，我相信我永遠都不會忘記呢番對話。」而網民就一面倒撐個仔，讚Jasper EQ高，又好萌，叫小春唔好對囝囝咁惡。