當年今日

  陳啟宗勤練煲冬瓜 - 李八方

蘋果日報 2005/01/16 00:00


恒隆大老闆陳啟宗(圖)噚日晨咁早又開壇,不過唔係搞到滿城風雨嘅百人會峯會,而係喺一個有關香港同內地融合嘅研討會。佢老哥話,𠵱家有好多香港人重係唔肯番大陸搵機會,咁樣做係唔得嘅,一定要放低香港呢個包袱,要真真正正成為一個「中國人」咁話!
朗尼陳重以佢個仔做例子,話𠵱家個仔一個禮拜有幾日喺大陸嗰度,前晚重成十一點先返到屋企㖭!咁至係叻仔咁話喎。講講吓,朗尼陳重叫在場人士要學好普通話,佢話自己每日最少會查幾分鐘字典,查普通話發音,務求可以講好啲,費事再俾人話佢普通話唔掂喎!八方知道陳啟宗講嘅係本報,因為一年前本報報道佢做會議主持,但係佢啲普通話,蕭蔚雲都聽唔明,搞到佢好尷尬。



傳真︰2623-9278
電郵︰[email protected]