當年今日
關於我們

李八方online︱慢必獲釋後尚德開防疫街站 重申民主派初選無違法

蘋果日報 2021/01/10 00:00

慢必街站國安法

點解參加初選都係涉反《國安法》嘅顛覆罪?正如唔少被捕嘅參與人所言,「欲加之罪,何患無辭?」相信除咗採取拘捕行動嘅國安處同默許行動嘅港共政權,無人會有答案。
雖然面對大力打壓,但獲准保釋嘅民主派明言寒冬中頂硬上。人民力量前立法會議員陳志全(慢必)獲釋後嘅周日(10日),繼續代未審先囚嘅戰友譚得志開防疫街站。今午就去到將軍澳尚德邨企足成粒鐘派 口罩 ,重申完全唔知點解參加初選會違法。
慢必話今日去尚德好特別,因為周梓樂死因研訊噚日有結果,陪審團雖然只係話「死因存疑」,但起碼抗拒警警方謊言,拒絕接受警方所指「死於意外」,冇信警方一面之詞。佢話今日去尚德前冇預告唔宣傳,係費事又被人搞中599G。喺呢個咁荒謬嘅時年代,自由確然唔係必然,隨時拉咗就囚幾年,慢必話覺得有得再開街站都係恩典,都祝各位 香港 人平安。
至於初選,佢話民主派一直冇隱暪,所有嘢合法合情合理,想喺議會贏多啲議席,何罪之有?唔少市民上前為慢必打氣,鼓勵佢喺逆風中前行。
-----------------------------
《蘋果》英文版免費試睇: 了解更多
英文版已登錄《蘋果》App,立即 下載/ 更新 : iOS / Android
-----------------------------
支持蘋果深度報道,深入社區,踢爆權貴,即Like 蘋果專題及調查組FB專頁 !