鋒芝變擾攘個多月，誰勝誰負還未揭盅。正當謝霆鋒身在大馬為電影《逆戰》埋尾之際，張栢芝前晚亦抵達寧波準備為新片《河東獅吼2》開工。由於栢芝近日因為婚變接連影響工作，負面新聞不絕，就連前經理人向太日前也教訓栢芝屢次失場唔襟撈，以致栢芝昨日雖然身體不適，也不敢影響試造型工作，在昨日帶病開工，一於力挽狂瀾保星途，反而霆鋒就5片任揀唔憂做。

栢芝先後因為「機艙自拍」、榨乾霆鋒數億身家、潑婦罵街數臭老公，以及將兒子交予化妝師RickChin也不交嫲嫲照顧種種負面新聞而形象插水，再加上栢芝頻頻被傳情緒失控影響工作，包括缺席新片《影子愛人》及《楊門女將之軍令如山》記者會，又疑詐病甩底四川騷，甚至拍攝《楊》片時失場，難免嚇窒一眾片商。

據悉，栢芝完成《河東2》之後暫未有新片約，工作量大不如前。由於連栢芝前經理人向華強太太陳嵐日前接受本報專訪時，也教訓栢芝屢次失場「唔襟撈」，為保飯碗，栢芝惟有力挽狂瀾爭取表現。如昨日栢芝雖然身體不適，也堅持帶病開工，爭取時間為《河東2》試造型。