不過,次按風暴仲未過,葛霖竟然可以騎住大笨象跑上榜首,呢勻仲唔威晒,佢仲可以拆咗死對頭、紐約「壞孩子」EricKnight棚牙!事緣喺葛霖上位冇耐,就被基金及機構投資者指大笨象股價飛唔起,而紐約「股壇長毛」EricKnight更衝住葛霖,去信董事局要求檢討,建議放棄美國業務,又要求葛霖轉做非執董,仲要重新檢討董事局薪酬。兩人嘅恩怨就係咁越結越厚。
葛霖亦唔係好蝦,一於唔同你客氣,好直接咁話Knight嘅建議不切實際,仲堅稱唔會放棄美國市場,兩人可謂招來招往。
同時,滙豐亦重整業務,例如多放資源喺新興市場上。今年4月,葛霖嘅努力終於有回報,滙豐登上《福布斯》全球2000強上市企業榜首。今次再下一城,可以話係大笨象發威,條尾一掃就打底晒花旗同阿Knight。
電郵:mailto:
[email protected]