當年今日
關於我們

【每朝7點喺機場開舖】電影俾大陸搶咗 謝寧:曲奇係香港新興行業

蘋果日報 2018/12/18 17:25

謝寧轉型crossover分店曲奇

成功轉型成為曲奇餅天后嘅謝寧,今日喺香港國際機場為其新分店開幕,謝寧老公、父母、99歲嘅奶奶等全家總動員出席剪綵,好友鄭瑞芬及蘭茜等亦到賀。
謝寧表示,嚟緊會喺南昌站開第10間分店,佢話今次機場新店投資7位數,係其曲奇事業10周年嘅一個里程碑,謝寧話:「能獲邀請嚟機場開舖,係好有代表性,形象好先能夠獲邀請,真係好榮幸,係我嘅夢想,我每次嚟機場都係搭飛機,早前搭車嚟返工開舖,自己好感動,終於做到啲成績好開心,我o依家朝朝7點喺度返工,好多朋友搭飛機經過嚟探我。」
雖然一間舖投資過百萬,但謝寧估計可以短時間回本,佢話第一間舖,用咗一個月時間就回本。累積咗10年經驗,亦儲咗唔少熟客,謝寧指曲奇已經成為香港嘅特產,香港人食曲奇係專家,o依家遊客買曲奇唔係去意大利、日本,而會想起香港購買曲奇。對於唔少藝人,例如陳敏之、欣宜、毛舜筠紛紛開曲奇店分一杯羹,謝寧話:「好多行業都轉咗,電影都俾大陸搶咗,曲奇係香港新興行業,有競爭唔係壞事,對巿民大眾多選擇,可以百花齊放係好事,各有各做,各有各好處及口味。」謝寧表示,其品牌已進入加拿大及台灣巿場,之後會進軍大陸,農曆年會與卡通人物有crossover合作產品。
精選娛聞,喺晒《娛果》
http://fb.com/appledailyent
empty
謝寧今日為新舖剪綵
empty
家人都有捧場支持
empty
謝寧話每朝7點喺機場返工,仲好多朋友搭飛機嚟搵佢。
empty
對於有唔少藝人轉型,謝寧話百花齊放係好事。
empty
謝寧獲老公支持