裁決前夕，負責培植涉案CIK細胞的次被告陳冠忠接受本報訪問，與前老闆周向榮在犯人欄內並肩而坐逾100天，陳坦言：「無呀，無傾計㗎喇 ！」由起初「坐埋一條船」，到庭上雙方律師針鋒相對，陳指「我上到庭先知佢（周向榮）咁隊我」，無奈指：「依家好似唔係政府告我，好似係佢告我：『喂你錯呀，關我鬼事呀，係員工錯呀！』但最終下場是，兩人雙雙入獄。

本案定罪其中一個關鍵在於各被告是否知道CIK產品沒做細菌測試，周向榮的代表律師陳詞時提出質疑，為何陳從沒向警方提及，他是依周指示而不做細菌測試。陳反駁：「佢（周）話我口供唔隊佢出嚟？如果我隊佢出嚟，我日日比佢鞭打呀！嗰時打緊工呀，你會唔會隊老細出嚟呀？除非我唔玩㗎啫。」

陳更指：「每個人落嘅口供都要俾佢睇，佢問你攞口供你唔俾佢睇？佢覺得你身有屎添呀，炒鬼咗你呀！」對於周自辯指很信任和欣賞他，陳坦承事發前兩人關係不錯，但所謂「睇重」只是表面，「佢乜都要經手」，所有實驗室員工的合約、表現評核、加薪等全由周負責，陳反問：「我係負責人？負責幫佢訂文具、幫佢搞清潔咋，佢成日唔喺度，收垃圾都要搵人㗎。」

他指研究員之間不可討論負責的科研內容，否則會被解僱，至於周如何得知員工私下討論，他解釋「因為報串有獎金」。他並指研究員從不可踏足DR中心、亦不可與美容部職員或醫生有接觸，以免他們結伴跳槽。最終出事，他歎息歸根究底是錢作怪，「你見到啲通告咩青春針、美容針，可能打到上腦 ，太興奮，一直無出事，賺錢賺得太快，著咗魔，控制唔到...」