當年今日
關於我們

web一web:見工面試切勿禮讓

蘋果日報 2007/08/25 00:00


「P-Ma」在高登討論區提出嚴厲教訓:「出嚟搵食,一定要強勢壓倒其他人,使乜禮讓!請個人返嚟做嘢,禮讓點開單呀!」原來有網友自嘲見工時因學歷低,被其他大學面試者搶咪發言,自卑心作祟下他不斷「禮讓」,雖然全部面試者都要「回家等消息」,但擔心自己無機會,結果被P-Ma鬧。
網民「後浪」早前到某銀行面試證券經紀職位,豈料同批面試七人之中,三個係中大財務學系畢業,英文流利兼「勁sell學歷」:「專題討論時,好幾次跟佢哋同一時間發言,為咗禮讓,都畀佢哋講先,有個interviewer(接見者)睇唔過眼,我先至有機會講嘢!」他坦言好希望得到這份工作:「結果係全組人一齊等通知!」
「亂砌膠人」好言安慰:「成日搶咪嗰啲我覺得冇乜好結果!」
P-Ma都教路不要禮讓:「學大班鄭、沙聲黃先係正路!」「後浪」帶點無奈說:「我對上一份工月入萬幾,不過成世冇得升之嘛!呢間銀行啲要求,喺同業嚟講都算幾低,得佢哋請非大學生做經紀咋!」