日本女星釋由美子上年10月閃嫁拍拖只有半年嘅圈外有米商人之後，現時已懷有6個月身孕，但佢噚日先至補辦婚禮。釋由美子陀住6個月嘅大肚，着上婚紗喺教堂行禮，佢仲上載咗幾張婚紗新娘照喺網誌度畀大家欣賞。

喺幾張婚紗照片中，其中一張釋由美子仲摸住自己個大肚，流露出一臉幸福。佢仲話自己行完婚禮第二日感覺仲係飄飄然，好似發緊夢咁，佢仲感謝幫佢手搞婚禮嘅親友。但最搞笑係，釋由美子話行婚禮時，肚內BB好以比佢仲更加興奮，不斷踢佢個肚皮！相信出世後一定係一個好活潑嘅細路。