日本女星後藤久美子曾以國民美少女嘅美譽走紅亞洲，當年佢同中山美穗合演嘅偶像劇《偶像媽咪》大受歡迎，不過後藤久美子當紅時放棄事業，嫁咗俾法國前一級方程式車手阿里斯（JeanAlesi）之後，簡直生活無憂，過去十幾年來都係留守法國專心湊仔，閒時都會返日本接吓廣告賺吓私己錢。

就快41歲嘅後藤久美子育有兩仔一女，唔覺唔覺，佢個大仔Giuliano都已經15歲，噚日仲由老竇阿里斯帶住見人，出席日本舉行嘅賽車活動。一身車手裝扮嘅Giuliano，先以流利日文同在場人士打招呼，原來佢都想繼承父業，成為一個出色F1車手，又即場大顯身手，日本傳媒形容佢遺傳晒媽咪嘅標緻靚樣。