嘗試過自由就不想被關在鳥籠。被稱為網絡23條的《版權修訂條例草案》激起港人反感,來港兩年的新移民、讀中二的黃同學,今日考試後便與同學趕赴立法會外參加集會,他指香港是亞洲享有言論自由的地方,自己珍重香港的自由,「我係一個新移民,係內地移民過嚟,我係內地感受到唔可以講一啲對政府不利言論;我嚟香港感受到嗰份自由,如果香港冇咗嗰份自由,香港仲係咪香港?」
他自言最喜歡「等埋發叔」的二次創作,擔心政府修例後,網民沒有真正自由,「政府睇得過眼嘅二次創作佢畀你過,唔告你,一啲反政府嘢你一講,佢就話你犯咩條例。」他指新移民都支持香港保持言論自由,部份可能欠缺資訊才不敢發聲,「(新移民以前)畀人鎖係個籠,一開始畀佢自由,佢唔知咩係自由,一直想入去個籠到。」
同行的港人同學亦認為《版權修訂條例草案》有灰色地帶,容易被政府找藉口入罪。兩人均是第一次參加集會,指若有激烈衝突會注意自己安全。