早前去咗「海記」哈囉喂，因為買咗快證，好快玩晒啲鬼屋，但同事阿清就一肚氣，因為佢用普通飛，排成個幾鐘先玩到一間鬼屋，「入到去成屋係人，鬼都被我哋嚇驚啦。」「廸記」都唔弱，因為人太多要派籌入鬼屋。
其實坊間仲有好多地方可以「撞鬼」，「芝華士」今個月31號，搞咗個以蘇格蘭鬼酒吧為主題嘅萬聖節party，最特別係選址宋皇臺道31號嘅「香港飛行總會」，一大片露天空地會佈置到好似鬼迷宮咁，猛鬼會匿埋失驚無神嚇鬼你，仲有酒吧，由鬼酒保、鬼DJ、鬼喪屍等搞氣氛。
全場得80幾個位咋，一定唔會太迫，喺各酒吧等飲芝華士就有機會抽到入場券；咁少位，小妹都班到12張入場券畀各位，只要將姓名及聯絡電話，電郵去mailto:[email protected]，註明「蘋果消費blog讀者索取『芝華士HALLOWEEN搞鬼猛會』入場券」，每人可獲贈兩張，名額六個，先到先得。
逢周一至周四刊出