「國民妹妹」IU被爆暗撻大佢11年嘅33歲嘅男歌手張基河，原來佢今日拍緊MV，見到戀情曝光後都嚇了一跳，急忙喺官方粉絲網站撰文向粉絲致歉，並大方承認同張基河拍緊拖。

IU說：「我哋交往快兩年了，是於電台節目中首次見面的，我對佢一見鍾情。」仲大讚男友有好多方面值得佢學習，而佢哋同普通人戀愛一樣，都有鬧交同覺得幸福嘅時候，IU又說：「本來我都煩惱緊點樣用一個好啲嘅方法去話畀大家知，點知被《Dispatch》搶先！」

至於IU所屬事務所亦作出回應：「兩年前開始，佢哋作為音樂界嘅同事，喺音樂上有了很好嘅交流而互生好感，一直交往到現在。為了能更好地維持這份美好嘅感情，希望大家以溫暖嘅眼光去守護。」

張基河其後也發表聲明承認戀上IU，透露2013年10月IU擔任佢主持嘅電台節目嘉賓，當時係佢哋第一次見面，傾咗一陣後佢已經覺得IU好正。後來確認心意後就開始拍拖，「目前已交往兩年了，對我嚟講，IU係一個令我非常感激，同時又非常珍貴嘅人。」又話當佢攰嗰陣，IU可以畀到佢依賴同溫暖嘅感覺，仲向粉絲承諾會好好交往，彼此鼓勵創造出更好嘅音樂。

去年5月網上已流傳IU去睇張基河演唱會嘅相片，而IU過往緋聞唔多，最哄動係2012年爆出同男團SuperJunior（SJ）成員銀赫嘅「床照」，以及前年夜會李玹雨睇戲時斷正。