【蘋果25】投行家張宗永:民主自由從賣錢變理想
張宗永
金融圈講關係重實利,極少會公開表達「黃絲」立場,投行家張宗永算是異數。喜歡讀書寫文章的他,現時在幾家媒體包括《蘋果》寫欄,就連他商界朋友都笑說:「原來你喺蘋果寫文!」這一笑,反令他想得更深。
蘋果創刊至今,「民主自由曾經係一個好賣錢嘅商品,跑到今日,由商品進化到變成一個理想。」一個香港人命運休戚與共的理想,他覺得更加需要守護支持,「香港係越嚟越需要一張好似蘋果嘅報紙」。
真相好重要。從事投行、私募基金及財資業逾30年,現任思博資本(香港)高級合夥人兼亞太區行政總裁的張宗永同意,新聞自由與資訊流通,是香港賴以成為國際金融中心基石之一,尊重真相,「無論政治商業定搵錢,都係要資訊自由。」
年輕時曾在報館短暫工作兼任股評人,他跟第一代蘋果人大多相熟,但「我唔識黎生」,見蘋果訂閱告急,肥老黎親身呼籲支持,他笑謂唔介意捐出稿費,但「黎生話唔駛,可能太少(無幫助)。」本月下旬蘋果25周年,明年今日仲有無報慶?「我好肯定出年蘋果一定仲喺度,亦好想蘋果繼續喺度。」但未來生存空間必然更窄,縱使他是麻木樂觀主義者,《國安法》通過,「短期係幾辛苦」。
社會運動晃眼已一年,疫情爆發國際變天,他說香港「已經轉咗好多個彎」,北京繞過立法會直接在港立法,政權倒退手段粗暴,香港身後身似乎沒有了,眼前路點行落去,他亦無頭緒。
年輕時隨家人移民加國的張宗永,八十年代回港工作,到今日都無諗過走,「感受越嚟越深我係一個香港人」,希望港人初心不變,身份認同更加突出,為下一代共同爭取「好嘅空間、更公平嘅社會去生活」。
年輕時曾在報館短暫工作兼任股評人,他跟第一代蘋果人大多相熟。
現任思博資本(香港)高級合夥人兼亞太區行政總裁的張宗永同意,新聞自由與資訊流通,是香港賴以成為國際金融中心基石之一。