特區按摩業總會、舞廳夜總會商會、麻雀館從業員總會「籌委會」、的士高酒吧等組織「籌委會」等，喺一份左報聯合刊登聲明，話支持人大釋法。
本來支持人大釋法，冇乜問題，不過呢班自稱娛樂業人士嘅聯合聲明，呼籲「請即終止一切擾亂正常商業社會的激進行動，馬上還給我們理性的、平靜的市場狀態。」
又係喎。警方經常喺旺角掃黃，將啲舞小姐按摩小姐趕晒上豬籠車，呢輪砵蘭街水靜河飛，按摩及舞廳夜總會嘅正常商業活動，受到擾亂，警方係咪應該反省吓？
廣告有一段，更加無厘頭，佢話：「懇請某些評論家們在報章電台節目，不要把亞洲金融風暴對經濟的負面影響，掠奪為你們的私人財產，藉此製造反對聲音。」