美國女子職業高爾夫協會(LPGA)今年7月提出咗新嘅著裝規定,比賽嘅時候唔准包括低胸V領衫同埋太短嘅裙等等,如果違反規定會被罰款,唔少球手包括美籍韓裔球手魏聖美(Michelle Wie)都受到影響。不過,近年成績唔算突出嘅呢位索女球手,最近喺休季之後就大解放,喺個人社交網頁post喺沙灘玩得好開心同拍寫真嘅靚相,而喺星期三佢更加喺個人Instagram上載咗喺高球場著住露腰同短裙裝束嘅相,仲加咗句「休季=冇著裝罰款#croptopdroptop」,唔知係咪暗寸LPGA呢個受到部份人批評同質疑嘅著裝新規定呢?!