【咁差啲咩?】讀書有女仔接放學 馬浚偉:我都算係半條校草
馬浚偉
馬浚偉今日返石硤尾母校廠商會中學進行分享會, 莊家彬亦代表其中一個單位現身學校 。馬仔離開母校好多年,但一直同舊師生保持聯絡,希望日後能夠回饋母校,例如打羽毛球、音樂、戲劇等交流。
馬仔憶述讀書時都算乖仔,但電影橋段將粉刷放上風扇同粉筆畫花老師張櫈係時常發生,不過唔係佢所作所為,而最難忘係讀男校,老師有一招罰企走廊,就正正向住對面學校男女校,要做啲好低b動作,面對女同學覺得好瘀。馬仔笑稱:「我都算係半條校草,人哋校草係文武全才,我勉強斯斯文文,做個好人,係文青男。有其他學校女仔等我放學 ,送咗張卡畀我話想同我做朋友,仲留咗個屋企電話,但最終都冇同佢哋發展。」又笑指:「成績唔好做唔到風頭躉唔緊要,冇人等放學就唔得啦。」
精選娛聞,喺晒《娛果》
http://fb.com/appledailyent