由韓國金牌製作人羅䁐錫製作嘅tvN綜藝節目《花樣爺爺》自2013年開播以來，都十分受觀眾歡迎。節目事隔3年先再拍新一季《花樣爺爺Returns》，除咗原班人馬老牌演員李順載、申久、朴根瀅、白一燮演出，仲加入韓片《與神同行》男星河正宇嘅72歲爸爸金容建，五位爺爺加「阿四」男星李瑞鎮已於上周一出發飛到德國拍攝。

當日五位爺爺都相當興奮，喺機場大派心心，好不可愛。將於本月29號首播嘅節目《花樣爺爺Returns》，噚日節目組公開咗首個片段，五位爺爺向觀眾打招呼，提醒大家節目嘅首播日期。五位爺爺好有活力咁高呼：「《花樣爺爺Returns》6月29日、晚上9點50分首播、請多多期待！」反面李瑞鎮就感到崩潰及無奈，形成對比相當搞笑，更有網民好有創意地稱佢哋做「爺爺少年團」。

更多韓流，喺晒《娛果》
http://fb.com/appledailyent