德甲拜仁慕尼黑新星甘美治最近自爆，佢依家學緊西班牙文，而學嘅方法仲好奇特！甘美治話佢學西班牙文嘅方法，就係聽皇家馬德里嘅打氣歌，令人不禁懷疑「唔通佢想鋪定後路去西班牙發展？」

但甘美治就解釋，因為拜仁入面好多隊友都講西班牙文，堤亞高艾簡達拿、查維馬天尼斯、占士洛迪古斯就係例子，加上母親又極力建議，所以最終選擇學西班牙文。「我喺學校已經學咗法文，而隊中又有好多人講西班牙文，所以呢個係好主意。」甘美治又話隊入面唔係好多人知佢學緊西班牙文，成單嘢搞到神神秘秘，難怪畀人誤會想走佬！

-------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM