第一場五班1000米，「威百利」今次用潘頓縮程跑1000米，無上次咁夠信心，買Q會預佢，但「有情風」與「路路發」都唔差，再加「至尊駿爵」及「牛魔王」兩匹有變數馬，範圍係咁多。
「有情風」前仗贏得靚，上次遇到神勇的「創意寶」，保住第二亦唔失禮，唞一個月，期間集中慢試，除重養外，也可維持新鮮感，狀態一點都冇低落，排三檔，內側一、二檔馬唔快，有權守黃金包廂位，形勢夠安心！
「路路發」上次若發揮好一些應有Q，復課難得見孫達志肯繼續逼，安排縮程跑1000米，表面嫌短，然而自己向來鍾意佢跑短，有內檔跟得順，直路一定有得衝，屬買Q核心馬之一。
「至尊駿爵」轉馬房後操練比上手辣幾倍，五、六月試兩課大閘，一課無眼罩，一課戴眼罩，經過兩課閘省到夠，埋門無眼罩試跑，姿態好爽，好搶眼，可惜排10檔，限作配腳；「牛魔王」上仗表現不太差，輸遠主要是直路內閃，呂卓賢根本完全攪唔掂，今次轉落莫雷拉手上，排四檔又唔差，變身唔會覺出奇。
「皇仁勁駒」1000米太短，等月尾泥地。「年年好運」12檔蝕唔起。「非同小可」打叠報周日田草1600米，加單邊眼罩有針對性，最後試跑亦覺有進，惟仍略欠火候。「天天精神」曾缺課，也非短途馬。「中國好」後追排一檔未必好。「天狼星」1000米太促。「好笑容」退步。

詳盡內容可留意明日<<蘋果日報>>及蘋果馬網 http://hk.racing.nextmedia.com