將於下月入伍嘅韓國男星姜河那，噚日同導演金周煥嚟咗香港宣傳新片《青年警察》，佢仲自後現身首映禮，同埋進行謝票活動。

而姜河那冇咁快就離港，佢此行原來仲有工開，今日佢就喺中環附近畀港迷捕獲，當中佢喺PMQ同埋Soho區附近進行拍攝，只見佢着上白色恤衫、短褲以及白鞋，變身做白馬王子。而姜河那亦都好親民，有港迷要求合照，佢都冇say No，仲親自拿住手機自拍0添，親民到爆燈。

同時亦都有同鄉捕獲姜河那，姜河那見到對方同聲同氣，即刻舉起手指公讚好。據知今次姜河那來港除咗宣傳新片外，亦都為咗拍攝廣告。