韓劇迷睇劇除咗睇劇情之外，劇中嘅場地同主角們嘅靚衫亦同樣吸引大家。下月5日首播嘅MBC電視劇《HotelKing》未播已經引爆熱話，除咗因劇集由《大話妹》組合李多海同李東旭攜手合作之外，飾演富家小姐嘅李多海喺劇中嘅戲服全部都係名牌靚衫，由頭襯到落腳，劇集預告片一出，李多海嘅靚衫就即刻哂大家注意。

早前李多海喺出席劇集發佈會時就繼續貴婦上身，以BurberryProrsum單肩薰衣草紫lace裙襯ChristianLouboutinBiancapumps現身，谷盡事業線之餘，仲透出打底褲，極為養眼，搞到在場李東旭都唔夠膽直望佢。